Baxodurov Botirxon Nodirovich

Baxodurov Botirxon Nodirovich 2005-yil 18-iyun kuni Buxoro shahrida ziyoli oilasida tug‘ilgan. 2023-yilda Buxoro shahridagi 40-son umumiy o‘rta ta'lim maktabini oltin medal bilan tamomlagan.

2023-yildan buyon Buxoro innovatsion ta'lim va tibbiyot universiteti Stomatologiya fakultetida tahsil olmoqda.

Botirxon Baxodurov ilmiy, tashkiliy, jamoatchilik va volontyorlik faoliyatini muvaffaqiyatli olib borayotgan yosh mutaxassislardan biridir. Hozirgi kunda Buxoro innovatsion ta'lim va tibbiyot universiteti Talabalar ilmiy kengashi raisi, O‘zbekiston Respublikasi Oliy Majlisi Senati huzuridagi Yoshlar parlamenti a'zosi, O‘zbekiston Volontyorlari Assotsiatsiyasi mentori hamda O‘zbekiston Qizil Yarim Oy Jamiyati Buxoro viloyat bo‘limining volontyorlikni rivojlantirish va yoshlar masalalari bo‘yicha mutaxassisi sifatida faoliyat yuritadi.

Uning ilmiy faoliyati stomatologiya, sun'iy intellekt texnologiyalarini tibbiyot amaliyotiga joriy etish, raqamli tibbiyot hamda innovatsion tibbiy texnologiyalar yo‘nalishlariga ixtisoslashgan. Ilmiy izlanishlari doirasida og‘iz bo‘shlig‘i kasalliklarini erta aniqlash, diagnostika va davolash usullarini takomillashtirish, zamonaviy texnologiyalar asosida tibbiy xizmatlar sifatini oshirish bo‘yicha tadqiqotlar olib bormoqda.

Botirxon Baxodurov muallifligida 20 ta ilmiy maqola, 30 ta ilmiy tezis, 2 ta elektron hisoblash mashinasi (EHM) dasturi uchun davlat ro‘yxatidan o‘tkazilgan guvohnoma (DGU) hamda 1 ta o‘quv-uslubiy innovatsion ishlanma mavjud. Uning ilmiy ishlari respublika va xorijiy ilmiy jurnallar hamda xalqaro ilmiy-amaliy konferensiyalar to‘plamlarida nashr etilgan.

Botirxon Baxodurov respublika va xalqaro miqyosda o‘tkazilgan fan olimpiadalari, ilmiy-amaliy konferensiyalar, innovatsion loyihalar tanlovlari hamda volontyorlik dasturlarida faol ishtirok etib, bir qator respublika va xalqaro olimpiadalarning g‘olibi hamda faxrli o‘rinlar sohibi sifatida e'tirof etilgan.

Uning tashabbusi bilan universitetda talabalar ilmiy salohiyatini rivojlantirish, yosh tadqiqotchilarni qo‘llab-quvvatlash, ilmiy konferensiyalar, seminar-treninglar, fan olimpiadalari, innovatsion loyihalar va ilmiy tanlovlarni tashkil etishga qaratilgan qator tashabbuslar amalga oshirilgan. Mazkur tashabbuslar universitetda ilmiy muhitni rivojlantirish va yoshlarning ilmiy-innovatsion faolligini oshirishga xizmat qilmoqda.

Ta'lim, ilm-fan, jamoatchilik va volontyorlik sohalaridagi samarali faoliyati uchun vazirliklar, davlat va jamoat tashkilotlari hamda Buxoro viloyati idoralari tomonidan ko‘plab faxriy yorliqlar, tashakkurnomalar, diplomlar va sertifikatlar bilan taqdirlangan.

Hozirgi kunda Botirxon Baxodurov universitet ilmiy salohiyatini yuksaltirish, yosh olimlar va iqtidorli talabalarni qo‘llab-quvvatlash, xalqaro ilmiy hamkorlikni rivojlantirish hamda innovatsion g‘oyalarni amaliyotga tatbiq etish yo‘lida samarali faoliyat olib bormoqda.

Rahmonova Nodirabegim Nosirovna 2007-yil 22-mayda tavallud topgan. 2024-yilda Buxoro shahridagi 19-son ixtisoslashtirilgan davlat umumta’lim maktabini oltin medal va qizil attestat bilan tamomlagan.

Hozirda Buxoro Innovatsion Ta’lim va Tibbiyot universitetining Davolash ishi yo‘nalishi talabasi. Universitet Talabalar ilmiy kengashi kotibi sifatida ilmiy tadbirlarni tashkil etish, talabalar tashabbuslarini qo‘llab-quvvatlash hamda kengash faoliyatini samarali muvofiqlashtirishda faol ishtirok etib kelmoqda.

Ilmiy izlanishlar bilan bir qatorda xorijiy tillarni o‘rganish va xalqaro hamkorlikni rivojlantirish uning faoliyatining muhim yo‘nalishlaridan biridir. Rus, ingliz, koreys va ispan tillarida erkin muloqot qila oladi. Koreya Respublikasidan tashrif buyuruvchi delegatsiyalar bilan tarjimon va volontyor sifatida hamkorlik qilib, xalqaro tadbirlar hamda uchrashuvlarda faol ishtirok etadi.

Shuningdek, universitet talabalari uchun koreys tilidan mashg‘ulotlar olib borib, yoshlarning xorijiy tillarni o‘rganishga bo‘lgan qiziqishini oshirishga munosib hissa qo‘shmoqda. Respublika va xalqaro miqyosdagi ilmiy konferensiyalar, olimpiadalar hamda tanlovlarda faol ishtirok etib, qator yutuqlarga erishgan. Ilmiy va jamoatchilik faoliyati davomida ko‘plab diplom, sertifikat hamda tashakkurnomalar bilan taqdirlangan.

Rahmonova Nodirabegim Nosirovna bilim olishga intilishi, tashabbuskorligi va mas’uliyatli yondashuvi bilan universitet jamoasi orasida faol talabalardan biri sifatida e’tirof etiladi. U ilm-fan, ta’lim va xalqaro hamkorlik yo‘nalishlarida o‘z ustida muntazam ishlab, yoshlarning rivojlanishiga xizmat qiladigan loyihalarda faol ishtirok etib kelmoqda.

Alimova Gulfiza 2004-yil 10-iyun kuni Navoiy shahrida tavallud topgan. 2022-yilda Navoiy shahridagi Akademik litseyni qizil diplom bilan muvaffaqiyatli tamomlagan. Shu yili Buxoro Innovatsion Ta’lim va Tibbiyot universitetining Davolash ishi yo‘nalishiga o‘qishga qabul qilingan. Hozirda mazkur oliy ta’lim muassasasining 5-kurs talabasi sifatida tahsil olib, o‘zining ilmiy va kasbiy salohiyatini muntazam ravishda rivojlantirib kelmoqda.

Gulfiza Alimova sport sohasida ham yuqori natijalarga erishgan bo‘lib, badiiy gimnastika bo‘yicha 2015 va 2016-yillarda O‘zbekiston chempioni unvoniga sazovor bo‘lgan. Sportdagi ushbu yutuqlar uning intizomli, mehnatsevar va maqsad sari qat’iyat bilan intiluvchan shaxs ekanligini yaqqol namoyon etadi.

Talabalik yillarida universitet miqyosida o‘tkazilgan fan olimpiadalarida faol ishtirok etib kelmoqda. Jumladan, 2023 va 2024-yillarda bir qator fan olimpiadalarida qatnashib, Patologik anatomiya fanidan 1-o‘rinni egallagan. Shuningdek, Radiologiya hamda Ginekologiya fanlari bo‘yicha o‘tkazilgan olimpiadalarda ham munosib ishtirok etib, o‘zining nazariy bilimlari va amaliy ko‘nikmalarini namoyon etgan.

Ilmiy faoliyat bilan bir qatorda universitet jamoatchilik ishlarida ham faol ishtirok etib kelmoqda. 2026-yil holatiga ko‘ra, Buxoro Innovatsion Ta’lim va Tibbiyot universiteti Talabalar ilmiy kengashi a’zosi hamda tibbiyot yo‘nalishi bo‘yicha rais o‘rinbosari lavozimida faoliyat yuritmoqda. Ushbu lavozim doirasida talabalar ilmiy faoliyatini rivojlantirish, ilmiy tadbirlarni tashkil etish hamda yoshlarning ilm-fanga bo‘lgan qiziqishini oshirishga munosib hissa qo‘shib kelmoqda.

Kelgusida Gulfiza Alimova malakali akusher-ginekolog sifatida faoliyat yuritib, ayollar salomatligini muhofaza qilish, onalik va bolalikni asrash hamda mamlakatimiz tibbiyotining rivojlanishiga munosib hissa qo‘shishni o‘z oldiga maqsad qilib qo‘ygan.

Bilim olishga bo‘lgan yuksak intilishi, mas’uliyatli yondashuvi, ilmiy izlanishlari va jamoatchilik faoliyati bilan Gulfiza Alimova universitetning faol, iqtidorli va istiqbolli talabalari qatoridan munosib o‘rin egallab kelmoqda.

Ismatova Feruza Ulug‘bekovna 2007-yil 19-iyul kuni Buxoro shahrida tavallud topgan. 2024-yilda Buxoro shahridagi 21-son umumiy o‘rta ta’lim maktabini muvaffaqiyatli tamomlagan. Hozirda Buxoro Innovatsion Ta’lim va Tibbiyot universitetining Ingliz tili filologiyasi yo‘nalishi talabasi bo‘lib, 2-kursni muvaffaqiyatli tamomlagan.

Talabalik davrida o‘qishga bo‘lgan mas’uliyatli yondashuvi va yuqori akademik natijalari bilan ajralib turadi. U 1- va 2-kurslarni maksimal GPA — 5.0/5.0 ko‘rsatkichi bilan tamomlagan. Ushbu yuksak natijalari evaziga 1-kursda universitet rektori stipendiyasi sohibasi bo‘lgan.

Ismatova Feruza Ulug‘bekovna ilmiy va jamoatchilik faoliyatida ham faol ishtirok etib kelmoqda. Hozirda u Buxoro Innovatsion Ta’lim va Tibbiyot universiteti Talabalar ilmiy kengashining ijtimoiy-gumanitar yo‘nalishi bo‘yicha rais o‘rinbosari lavozimida faoliyat yuritmoqda. Ushbu lavozim doirasida ijtimoiy-gumanitar yo‘nalishdagi ilmiy tadbirlarni tashkil etish, talabalarni ilmiy izlanishlarga jalb etish hamda yoshlarning ilm-fanga bo‘lgan qiziqishini oshirishga munosib hissa qo‘shib kelmoqda.

Shuningdek, u universitet va respublika miqyosida o‘tkazilgan ko‘plab ilmiy-amaliy konferensiyalar, forumlar hamda tantanali tadbirlarda boshlovchi (moderator) sifatida faol ishtirok etib, ravon nutqi, sahna madaniyati va auditoriya bilan samarali muloqot qilish qobiliyatini namoyon etgan.

Kelgusida Ismatova Feruza Ulug‘bekovna malakali filolog, pedagog hamda xalqaro miqyosdagi mutaxassis sifatida faoliyat yuritishni, yoshlarning xorijiy tillarni o‘rganishiga ko‘maklashishni va mamlakatimiz ta’lim tizimi rivojiga munosib hissa qo‘shishni o‘z oldiga maqsad qilib qo‘ygan.

Bilim olishga bo‘lgan yuksak intilishi, mas’uliyatli yondashuvi, tashabbuskorligi, notiqlik mahorati va yuqori akademik natijalari bilan Ismatova Feruza Ulug‘bekovna universitetning faol, iqtidorli va istiqbolli talabalari qatoridan munosib o‘rin egallab kelmoqda.

Radi Hend Mohamed 2002-yil 1-oktabrda Liviya davlatida tavallud topgan. U Ar-Riyod shahridagi 68-son umumiy o‘rta ta’lim maktabini birinchi darajali a’lo baholar bilan muvaffaqiyatli tamomlagan.

Hozirda Radi Hend Mohamed Buxoro Innovatsion Ta’lim va Tibbiyot universitetining Stomatologiya yo‘nalishi 4-kurs talabasi hisoblanadi.

Radi Hend Mohamed o‘qish bilan bir qatorda ilmiy-tashkiliy va jamoatchilik faoliyatini ham muvaffaqiyatli olib bormoqda. Ayni paytda u Universitet Talabalar ilmiy kengashining xorijiy talabalar sektori bo‘yicha ilmiy ishlar bo‘yicha rais yordamchisi lavozimida faoliyat yuritmoqda. Ushbu lavozim doirasida u xorijiy talabalarning akademik muhitga moslashuviga ko‘maklashadi, ilmiy-tadqiqot tashabbuslarini tashkil etadi hamda yosh tadqiqotchilarni qo‘llab-quvvatlaydi.

Uning ilmiy qiziqishlari jarrohlik stomatologiyasi hamda zamonaviy texnologiyalarni klinik amaliyotga joriy etish yo‘nalishlariga qaratilgan. Ilmiy izlanishlari doirasida Radi Hend Mohamed stomatologik yordam sifatini oshirish, bemorlar xavfsizligini ta’minlash hamda davolash samaradorligini yuksaltirishga xizmat qiladigan xavfsiz va innovatsion davolash usullarini ishlab chiqish, izlash va takomillashtirish ustida ishlamoqda.

Bugungi kunda Radi Hend Mohamed talabalar ilm-fanini rivojlantirish, xorijiy talabalar uchun yangi imkoniyatlar yaratish hamda zamonaviy jarrohlik stomatologiyasi sohasida istiqbolli ilmiy loyihalarni amalga oshirish yo‘lida faoliyatini izchil davom ettirmoqda.