Rahbariyat

M.M. Аmonova texnika fanlari doktori (DSc), dotsent. U 2019 yilda “Boʼyash va pardozlash korxonalarida hosil boʼladigan oqova suvlarni tozalash jarayonini takomillashtirish” mavzusidagi dissertatsiya ishini Buxoro davlat universiteti huzuridagi ilmiy darajalar beruvchi PhD.28.06.2018.K.72.01. raqamli ilmiy kengashda 02.00.01-noorganik kimyo ixtisosligi boʼyicha nomzodlik dissertatsiyasini muvaffaqiyatli himoya qilib, kimyo fanlari falsafa doktori (PhD) diplomini, 2025 yil 25 oktyabrda “Sapropel va bentonit asosida koagulyant-flokulyantlar bilan modifikatsiyalangan kompozit sorbentlar olish va ularni sanoat oqova suvlarini tozalashda qoʼllash texnologiyalarini ishlab chiqish” mavzusidagi texnika fanlari doktori (DSc) dissertatsiya ishini muvaffakiyatli himoya kilib, texnika fanlari doktori ilmiy darajasini tasdiqlovchi diplomni olgan. M.M. Аmonova nafaqat oʼquv-uslubiy sohada ijobiy natijalarga erishgan balki, ilmiy-tadqiqot sohasida ham samarali mehnat qilmoqda. Xususan, uning muallifligida 80 dan ortiq ilmiy ishlar jumladan 3 ta oʼquv qoʼllanma, 1 ta monografiya, 1 ta patent, 4 ta EHM dasturi, xalqaro ilmiy jurnallarda 30 dan ortiq, Oliy attestatsiya komissiyasi roʼyxatiga kiritilgan jurnallarda 45 dan ortiq, xalqaro va respublika ilmiy amaliy anjumanlarda 50 ga yaqin tezislari eʼlon qilingan. Matluba Muxtarovna Oʼzbekiston Respublikasi Mahalla va oilani qoʼllab-quvvatlash Vazirligining 2020 yil 25 fevraldagi №06/473-20 xatiga asosan fan va texnika taraqqiyotining turli yoʼnalishlari boʼyicha xotin-qizlarning innovatsion loyihalarini joriy qilishlarini qoʼllab-quvvatlash, ularni ixtirochilik va tadbirkorlik faoliyatiga keng jalb qilish hamda intellektual mulk obʼektlarini huquqiy muhofaza qilishlariga koʼmaklashish maqsadida tashkil qilingan “Oʼzbekiston ayollarining 100 ta eng yaxshi innovatsion loyihasi” III Respublika tanlovi gʼolibi hamda Oʼzbekiston Respublikasi Prezidentining 2021 yil 24 maydagi farmoniga binoan “Oʼzbekiston Respublikasi Mustaqilligining 30 yilligi” esdalik koʼkrak nishoni bilan taqdirlangan. Bugungi kunda Matluba Muxtarovna Amonova Buxoro innovatsion ta`lim va tibbiyot universiteti rektori lavozimida faoliyat olib bormoqda.

Odinayev Tolibjon Toyirovich ma`lumoti oliy, Buxoro davlat universiteti Chaqiriqqacha harbiy ta'lim fakulteti bakalavriat bosqichini, Osiyo xalqaro universiteti, Pedagogika va psixologiya yo`nalishida magistratura bosqichini tamomlagan. Bo`lajak tibbiyot hamshiralarida kasbiy identifikatsiya shakllanishining psixologik xususiyatlari mavzusida PhD darajasini olish ustida ilmiy izlanish olib bormoqda.
Bir qancha yillar davomida Buxoro viloyati yuridik texnikumi davlat muassasida bo`lim boshlig`i lavozimida, Buxoro davlat tibbiyot instituti akademik litseyi davlat muassasasi harbiy ta’lim rahbari lavozimlarida, hamda bugungi kunga qadar Buxoro innovatsion ta’lim va tibbiyot universitetida Yoshlar va tashkiliy ishlar bo‘yicha prorektor lavozimida faoliyat yuritib kelmoqda.