Kelajakka qadam

“Kelajakka qadam” — yoshlarga keng imkoniyatlar

“Kelajakka qadam” dasturi doirasida yoshlar va bitiruvchilar uchun turli yo‘nalishlarda moliyaviy qo‘llab-quvvatlash imkoniyatlari taqdim etilmoqda.

Dastur “O‘zmilliybank” AJ tomonidan O‘zbekiston Respublikasi Prezidentining 2026-yil 1-iyundagi “Tadbirkorlik loyihalarini qo‘llab-quvvatlash orqali yoshlar bandligini ta’minlashga doir qo‘shimcha chora-tadbirlar to‘g‘risida”gi PQ-210-son qarori ijrosi doirasida amalga oshirilmoqda.

Dastur doirasidagi asosiy yo‘nalishlar

• “Tadbirkorlikka ilk qadam” — kredit mahsuloti;
• “Biznes start” — kredit mahsuloti;
• “Biznes progress” — kredit mahsuloti;
• “Talaba invest” — kredit mahsuloti;
• “Mening birinchi kasbim” — bitiruvchilarni kasbga tayyorlash loyihasi.

Dastur orqali yaratilgan imkoniyatlar

• biznesni boshlash va kengaytirish;
• kasb egallash va malaka oshirish;
• yangi ish o‘rinlari yaratish;
• xorijda o‘qish va tajriba orttirish.

“Mening birinchi kasbim” loyihasi

Loyiha doirasida oliy ta’lim tashkilotlari bitiruvchilarini kasbga tayyorlash jarayonlari tashkil qilinadi va moliyalashtiriladi:

• oliygoh bitiruvchilari orasida tanlov o‘tkazilib, ularga malaka oshirish davri uchun oyiga 5 BHMgacha stipendiya ajratiladi;
• bitiruvchilarning chet eldagi oliy ta’lim tashkilotlari va korxonalardagi qisqa muddatli kurslarda qatnashishi uchun 50 BHMgacha mablag‘ ajratiladi;
• biznes-reja tayyorlash xarajatlari qoplab beriladi;
• “Talaba Expo 2026” kasb ko‘rgazmalari natijalariga ko‘ra bitiruvchilar va yoshlarning bandligini ta’minlashga ko‘maklashiladi.

Endi siz ham o‘z g‘oyangizni real loyihaga aylantiring!

Batafsil ma’lumot: nbu.uz, telefon: (78) 148 00 10.