Buxoro innovatsion ta`lim va tibbiyot universiteti
Buxoro innovatsion ta`lim va tibbiyot universiteti (oldingi Buxoro innovatsion tibbiyot instituti) Vazirlar Mahkamasi huzuridagi Ta’lim sifatini nazorat qilish Davlat inspeksiyasi (ayni damda O‘zbekiston Respublikasi Oliy taʼlim, fan va innovatsiyalar vazirligi) tomonidan berilgan 2022-yil 28-iyuldagi nodavlat ta`lim xizmatlarini ko`rsatish faoliyati uchun litsenziya (reyestr raqami L-4409219, hujjat raqami №222841) asosida 2022-yildan buyon o`z faoliyatini olib bormoqda.
Universitet O`zbekistondagi tibbiyotga ixtisoslashtirilgan 20 ta oliy ta`lim tashkilotlari ichida TOP-10 talikda joylashgan bo`lib, yuqori darajadagi kadrlar tayyorlashga ixtisoslashgan rasmiy tibbiyot oliy ta`lim muassasasi hisoblanadi.
Ta'lim yo'nalishlari va Ilmiy salohiyat
Universitetda quyidagi bosqichlar bo’yicha yo‘nalishlar mavjud:
- 6 ta bakalavr yo'nalishi;
- 11 ta magistratura mutaxassisligi;
- 28 ta ordinatura mutaxassisligi.
Abituriyentlar kunduzgi ta’lim yo‘nalishida o‘qish imkoniyatiga ega bo‘ladilar. Hozirda universitetda 4 ta kafedra mavjud bo‘lib, unda:
- 60 nafar ilmiy salohiyatli dotsentlar va professorlar;
- 120 dan ortiq malakali o‘qituvchilar faoliyat olib bormoqdalar.
“Inson umrini uzaytirish” maqsadi yo`lida “Shifokorlik abadiyat kasbi” shiori ostida xizmat qilib kelmoqda.
Infratuzilma va Amaliyot
Universitet infratuzilmasi zamonaviy moddiy-texnik baza, simulyatsion markaz, stomatologiya markazi hamda o'z tibbiy klinikasini o'z ichiga oladi. Talabalar o`qishga qabul qilingan kunidanoq:
- Nazariy darslar bilan bir vaqtda amaliyot o`tab borish;
- Viloyatning barcha ixtisoslashtirilgan tibbiyot muassasalarida kasbiy ko`nikmalarni shakllantirish imkoniyatiga egadirlar.
Shuningdek, talabalarga amaliy ko`nikmasini shakllantirish uchun xizmat qiladigan, Jahon JCI akkreditatsiyasi talablari asosida qurilayotgan 10 qavatli klinikasi ham mavjud. Bu kelajakda talabalarni ish bilan ta`minlash uchun mustahkam asos bo`ladi.
Talabalar uchun sharoitlar va rag'batlantirish
Universitet o`zining campusida joylashgan 1000 o`rinli talabalar turar joyiga ega. O`quv yili yakunida namunali va faol talabalar quyidagi nominatsiyalar bo`yicha taqdirlanadilar:
| Yilning eng yaxshi yigit/qiz talabasi | Yilning eng yaxshi guruhi |
| Yilning eng yaxshi volontyori | Yilning eng yaxshi zakovatchisi |
| Yilning eng yaxshi sportchi talabasi | |
Keng ko'lamli faoliyat
Buxoro innovatsion ta`lim va tibbiyot universiteti MCHJ tarkibida 20 ga yaqin yo`nalishlarda tadbirkorlik faoliyati yo'lga qo'yilgan:
Buxoro innovatsion tibbiyot texnikumi, BITU kids bolalar bog`chasi, BITU maktab, LaBITI beauty salon, BITI flower`s, BITU story, BITU stomatologiya, BITU Talant, BITU Robot va boshqalar.
Ushbu tarmoq 500 dan ortiq yoshlarni ish bilan ta`minlab, viloyatning ijtimoiy-iqtisodiy rivojlanishiga munosib hissa qo`shmoqda.
Buxoro innovatsion ta`lim va tibbiyot universiteti orzularingiz ro`yobidir.
Kelajagingizni biz bilan birgalikda quring!