Universitet tarixi

O‘zbekiston Respublikasi Prezidentining nodavlat ta’lim xizmatlari ko’rsatish faoliyatini yanada rivojlantirish chora-tadbirlari to’g’risida 2017-yil 15-sentyabrdagi PQ-3276-sonli qarori chiqarilgan bo’lishiga qaramasdan Respublikamizda bu sohaning faol rivojlanib ketishi ancha sust holatda davom etayotgan bir paytda 2020-yillarga kelib Respublikamizda oliy ma’lumotli mutaxassis bo’lish istagida bo’lganlar soni shu darajada oshib ketdiki, natijada o’sha vaqtlarda faoliyat olib borayotgan 70 ga yaqin davlat oliy ta’lim muassasalarining moddiy bazasi talab etilgan miqdordagi talabalarni qabul qilish va talab darajasidagi hamda sifatdagi mutaxassislarni tayyorlab berish talablarini jiddiy darajada to’liq qondirolmay qoldi. Natijada oliy ma’lumot olish istagida bo’lgan va oliy ta’lim muassasalariga kirish uchun hujjat topshirib oliy ta’lim muassasi talabasi bo’lish baxtiga muyassar bo’lganlarning foizi talabgorlarning bor-yo’g’i 10-15 foizini, o’qishga kirolmay «yiqilgan»lar foizi esa 85-90 foizni tashkil qilib boshladi. Ya’ni o’qishga kirish uchun hujjat topshirgan har 100 talabaning 85-90 tasi o’qishga kirolmay qolishiga to’g’ri keladigan vaziyat bo’lib qoldi.

Bu vaziyatdan chiqish uchun O’zbekiston Respublikasi Prezidentining nodavlat ta’lim tashkilotlarini davlat tomonidan qo’llab-quvvatlash va ta’lim jarayonida yoshlar uchun qo’shimcha shart-sharoitlar yaratish chora-tadbirlari to’g’risida 25.06.2021-yildagi PQ-5161-sonli qarori qabul qilindi.

Bu qaror nodavlat oliy ta’lim muassasalari tashkil etilishining keskin ko’payishiga jiddiy turtki bo’ldi deyishimiz mumkin.

Shu asnoda Respublikamizda tashkil etilgan nodavlat oliy ta’lim muassasalarining dastlabki 20-25 tasi qatorida, Buxoro viloyatida 2-nodavlat oliy ta’lim muassasasi sifatida Buxoro shahridagi O.Eshonov ko’chasi 407-uy manzilida 2015-yildan buyon Umurov Feruz Faxriddinovich rahbarligida faoliyat yuritib kelayotgan ZIYOMAX o’quv markazi bazasida va yana ushbu binoga yaqin joylashgan mavjud boshqa binolarni ijaraga olgan holda O’zbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspektsiyasining 28.07.2022-yilda 033430-raqamli litsenziyasiga asosan aka-uka Umurov Feruz va Farrux Faxriddinovichlar tomonidan Buxoro innovatsion tibbiyot instituti (BITI) ham tashkil etildi.

BITI uchun dastlabki o’quv yili hisoblangan 2022-23 o’quv yilida litsenziyaga muvofiq 2 ta (Davolash ishi va Stomatologiya) yo’nalishda oliy ma’lumotli mutaxassislar tayyorlash maqsadida 480 nafar talaba qabul qilishga ruxsat berildi. Talabgorlar anchagina ko’proq bo’lishiga qaramasdan ruxsat etilgan 480 nafar abituriyent maxsus test sinovlaridan o’tib, institutning dastlabki talabalari bo’lish baxtiga muyassar bo’lishdi.

Dastlab institut jamoasi, qat’iy halol, insofli, diyonatli, chuqur bilim va tajribaga ega, ta’sischi ishonchiga sazovor bo’lgan xodimlardan iborat institut rahbariyati shakllantirildi. Bular quyidagilar:

• Xodimlar bo’limi boshlig’i: Husenova Marg’uba Nuriddinovna
• Tashkiliy ishlar prorektori: Odinayev Tolibjon Toirovich
• O’quv ishlari prorektori: Burxonov Jasur Jamshidovich
• Fakultet dekani: Raximov G’iyos Rahmonovich
• O‘quv bo’limi boshlig’i: Majitov Jahongir Zavliddinovich
• Kafedra mudiri: Bahronova Komila Yodgorovna

Keyinchalik bu rahbariyat orqali qisqa muddatlarda yagona e’tiqodga ega, zarur vaqtda mukammal yechim bera oladigan, asosiysi davlatimiz tomonidan talab etilayotgan yuqori darajada sifatli bilim va ko’nikmalarga ega bo’lgan oliy ma’lumotli mutaxassislarni tayyorlab beruvchi mutaxassislar maqomiga mos keluvchi professor-o’qituvchilarning ahil jamoasi shakllantirildi.

Dastlabki o’quv yili mobaynida institutni jamoatchilik tomonidan tan olinishi, xalq orasida o’z obro’ va e’tiboriga ega bo’lishi darajasiga chiqish oson bo’lmaganini ta’kidlagan holda aytish mumkinki, ahil jamoa bu ishni a’lo darajada uddaladi. Buxoro shahrida kelajagi porloq va o’ziga ishongan ajoyib bir jamoa, oliy ta’lim muassasasi paydo bo’lgani va shakllangani xalq orasida tan olindi. Albatta bu e’tiroflarning shakllanishida institut rahbariyati tomonidan tashkil etilgan qator ommaviy tadbirlar katta ahamiyatga ega bo’ldi.

Shuningdek tibbiyot yo’nalishida o’qiyotgan talabalarimizning 2022-yil 30-sentyabr sanasida Abu Ali ibn Sino tug’ilib o’sgan maskan — Afshonada barcha zamonlarning buyuk tabibi hisoblanmish allomaga qo’yilgan haykal poyiga gullar qo’yish va tibbiyot xodimlarining an’anaviy Gippokrat qasamyodini qabul qilish tadbirining juda chiroyli va namunali shaklda tashkil etilishi ham muhim ahamiyatga ega bo’ldi.

Bundan tashqari o’quv yili yakunida institut tashkil etilganligining 1 yilligini tantanali nishonlash maqsadida Buxoro shahar Yoshlar Markazida tashkil etilgan «BITI 1 yoshda» tantanali tadbirini ham alohida ta’kidlab o’tish mumkin. Tadbir yil sarhisobi shaklida o’tkazilib, unda a’lochi va faol talabalar hamda ilg’or ustoz va xodimlar «Yilning eng yaxshi…» nominatsiyalari bo’yicha alohida ta’kidlab o’tilib, ta’sischining qimmatbaho sovg’alari va jamoa e’tirofi bilan rag’batlantirildilar.

Dastlabki o’quv yilida test asosida 1-kursga qabul qilingan 480 nafar talabalardan tashqari o’quv yili davomida Respublikamizning boshqa oliy ta’lim muassasalarida va xorijda ta’lim olayotgan 2- va 3-kurs talabalari o’qishlarini ko’chirishlari hisobidan guruhlar shakllantirildi. Shunday qilib 1-o’quv yili yakunida institutni 1-, 2- va 3-kurs talabalari muvaffaqiyatli yakunlashdi.

Dastlabki o’quv yili uchun muhim bo’lgan tarixiy holatlardan yana biri bu institutga 2-rektorning tayinlanishi bo’ldi. Institutning ta’sischisi va 1-rektori Umurov Feruz Faxriddinovich institutni kelajakda yanada rivojlantirish strategiyasi bilan jiddiy shug’ullanish uchun kengroq imkoniyatlarga ega bo’lish maqsadida institut ichki boshqaruvi vazifasini bajarishi uchun Amonova Matluba Muxtorovnani institutning 2-rektori etib tayinladi.

Shuningdek, ta’sischi Umurov Farrux Faxriddinovich tomonidan FADIL klinikasi bazasida 13.12.2023-yilda 186527 raqamli litsenziyaga muvofiq BITI tibbiyot va ta’lim klasteri tarkibiga kiruvchi Buxoro innovatsion tibbiyot texnikumi (BITT) tashkil etildi.

Institut 2-, ya’ni 2023-24 o’quv yilini ijara binolarida emas, balkim o’zining yangi binosiga to’liq ko’chgan holda boshlashi institut uchun rostakamiga tarixiy voqea bo’ldi. Lekin bu tarixiy voqeaga qadar universitet ahil jamoasi anchagina izlanishi, birgalikda ter to’kishi va rostakamiga qora mehnat qilishiga to’g’ri keldi. Institut 2-rektorini tayinlab nisbatan erkinlikka erishgan ta’sischi zudlik bilan institutning kengayishi uchun zamin bo’ladigan yangi bino yoki binoni qurish uchun joy izlash harakatiga tushdi. Izlanishlar natijasida ko’rib chiqilgan ko’plab variantlar orasidan o’sha vaqtda foydalanilmayotgan binolar elektron auksionida qatnashish orqali Buxoro shahar Namozgoh ko’chasi 112-uy manzilida joylashgan, 2 gektardan ko’proq maydonga ega bo’lgan Poyafzal fabrikasi bino va yer maydonlari elektron auksionda institut foydasiga yutib olindi.

Tez orada institut rahbariyati tomonidan bir necha yillar mobaynida foydalanilmaganligi tufayli tashlandiq holatga kelib qolgan hudud va undagi binolardan qanday foydalanish, qaysi qismini qoldirish, qaysidir qismini rekonstruksiya qilish, qaysidir qismini buzib tashlash va hududni obodonlashtirish rejasi tuzib chiqildi. Yangidan barpo etilishi rejalashtirilgan Buxoro innovatsion tibbiyot instituti binolarining bosh rejasi va 3D modeli ishlab chiqildi.

Zarur loyihalashtirish va iqtisodiy hisob-kitoblar qilingach, tuzilgan reja va loyihalar asosida qurilish va obodonlashtirish ishlari boshlab yuborildi. Bu jarayonda sobiq Poyafzal fabrikasida to’planib qolgan juda katta miqdordagi axlatlar hududdan chiqarib, institut loyihasiga mos kelmaydigan eski binolar esa buzib tashlandi. Bir so’z bilan aytganda, institutning o’z binosini barpo etish va unda talabalarni zamon talablari darajasida o’qitish uchun zarur sharoitlarni yaratish, jihozlash maqsadida butun jamoa bir tan bir jon bo’lib harakatga kirishdi.

Yangi o’quv yilining boshlanishi arafasida yangi binoning ishga tushirilishi munosabati bilan hamda Respublikamiz mustaqilligining 31 yilligini keng nishonlash maqsadida institut hovlisida institut talabalari va ularning ota-onalari, ustoz va murabbiylari, barcha xodimlari hamda taklif etilgan aziz mehmonlari uchun keng dasturxon yozildi. Bir so’z bilan aytganda o’zbegim urf-odatiga ko’ra xalqqa osh berilib, nuroniylardan oq fotiha olindi. Shu joy va vaqtning o’zida institut yangi binosining tantanali ochilish marosimi ham bo’lib o’tdi.

Ochilish marosimidan so’ng mehmonlar institut yangi binosi va unda yaratilgan imkoniyatlar bilan tanishish maqsadida institut binosida joylashgan xona va auditoriyalarni aylanib tomosha qilish, yaratilgan sharoitlarni o’z ko’zlari bilan ko’rish imkoniyatiga ega bo’ldilar. Shu kunning o’zida institutga yangi qabul qilingan 500 dan ortiq 1-kurs talabalarini eng zamonaviy avtobuslar kolonnasi bilan shifokorlarning Gippokrat qasamyodlarini qabul qilishlari va Abu Ali ibn Sino bobomiz poyiga gullar qo’yish uchun Afshonaga borishlari tashkillashtirildi. Shu tantanalar asnosida institutning yangi 2023-24 o’quv yili jarayonlari ham boshlanib ketdi.

2023-24 o’quv yili boshlanishida institutda ta’lim olayotgan talabalar soni 1500 ga yaqinlashib qolgan edi. Bu o’quv yili, umuman bu yangi binoga ko’chish institutning turli jabhalarda jadal rivojlanib, kengayib borish jarayonlarining keskin kechishi bilan o’ziga xos ahamiyatga ega. Jumladan, institutda ma’naviy-ma’rifiy, ilmiy-amaliy yo’nalishdagi ish va izlanishlar yanada samarali yo’lga qo’yildi. Olimpiada va konferensiyalar tashkil qilindi, xalqaro aloqalarga alohida e’tibor qaratilib boshlandi.

Shu o’quv yilida institut professor o’qituvchilari, aniqrog'i .... Baxronova Komila Yodgorovna tomonidan institutning dastlabki darslik kitobi yozildi.

Universitet moddiy texnik bazasini yanada rivojlantirish nuqtai nazaridan shu o’quv yili mobaynida 1000 o’ringa ega bo’lgan institut katta faollar zalining foydalanishga topshirilishi juda katta ahamiyatga ega. Chunki bu zalning foydalanishga topshirilishi katta-katta tadbirlarni bemalol tashkil qilish imkoniyatini berdi. Ushbu zalni ochilish marosimi ham talaba va ustozlar uchun katta shou tadbiri ko’rinishida xotiralarida qoldi. Ochilish marosimida yoshlarimizning sevimli xonandasi…. Axmadaliyev taklif etildi va katta konsert dasturini namoyish etdi.

Talabalarning yanada yaxshiroq o’qishlari, ustozlarning esa yanada yaxshiroq o’qitishlarini rag’batlantirish maqsadida 2023-24 o’quv yilining boshlanishidayoq ta’sischi tomonidan qator qimmatbaho sovrinlar joriy etildi. Ayniqsa «Eng yaxshi talaba»ga Spark avtomobili va «Eng yaxshi o’qituvchi»ga Nexia avtomobili berilishi e’lon qilindi. O’quv yili yakunida o’tkazilgan «BITI 2 yoshda» tadbirida esa bu qimmatbaho sovg’alar tantanali ravishda o’z egalariga topshirildi.

2024-25 o’quv yili institut talabalari soni 2000 ga yaqinlashgan holda boshlandi. Bu o’quv yilida institut nufuzini xalqaro maydonga olib chiqish uchun qilingan izlanish va harakatlar xalqaro miqyosga chiqish va tan olinish uchun institutda tayyorlanayotgan mutaxassislar yo’nalishi ko’lami, shuningdek, oliy ta’lim muassasasining darajasini belgilashda institut emas, universitet maqomida bo’lishiga alohida e’tibor qaratib boshlandi.

Bu holatni talablar darajasiga olib kelish uchun ta’sischi va institut rahbariyati tomonidan zudlik bilan faol harakatlar boshlab yuborildi. Va ushbu harakatlar natijasida oliy ta’lim muassasasida 12.02.2024-yilda 222841-raqamli litsenziyaga muvofiq bakalavr yo’nalishida 10 dan ortiq yo’nalishlar bo’yicha mutaxassislar tayyorlanadigan bo’ldi. Bundan tashqari bakalavrdan keyingi ta’lim, ya’ni klinik ordinatura va magistratura yo’nalishlarida 10 dan ortiq yo’nalishda mutaxassislar tayyorlash uchun ham …… raqamli litsenziyalar olindi. Shuningdek 24.01.2024-yilda 211616 raqamli Kadrlar malakasini oshirish va ularni qayta tayyorlash bo’yicha ham tegishli ruxsatnomalar olindi.

Ta’sischi va rahbariyatning institutni yanada rivojlantirish borasida qilgan sa’y-harakatlari natijasida qisqa muddatlarda institut maqomini bir pog’ona yuqoriga ko’tarish va institut maqomidan universitet maqomiga o’tishga erishildi, tegishli litsenziya va ruxsatnomalar olindi. Endilikda oliy ta’lim muassasasi ….. dan e’tiboran ….. raqamli litsenziyaga muvofiq «Buxoro innovatsion tibbiyot instituti» emas «Buxoro innovatsion ta’lim va tibbiyot universiteti» deb ataladigan bo’ldi.

2024-25 o’quv yilida talabalarni yanada yaxshiroq o’qishga, ustozlarni esa yanada yaxshiroq o’qitishga rag’batlantirish maqsadida yanada innovatsion bo’lgan yondashuvlarga harakat qilindi. Jumladan, talabalarning rag’batlantirilishi ularning o’zlashtirish baholariga to’g’ridan-to’g’ri bog’lab qo’yildi. Natijada a’lo va yaxshi baholarda o’qigan talabalar kontrakt to’lovining 40 foizgacha chegirmasiga ega bo’lish imkoniyatiga ega bo’ldilar. Bundan tashqari otasi yoki onasi bo’lmagan yoki otasi ham onasi ham bo’lmagan talabalar uchun 20-50 foizli chegirmalar, oltin medalda maktabni bitirib kelgan 1-kurs talabalari uchun grantlar joriy etildi. O’z ishining ustasi bo’lgan «Yilning eng yaxshi o’qituvchisi»ga esa Gentra avtomobili sovg’a sifatida taqdim etilishi alohida motivatsion ahamiyatga ega.

2024-2025 o’quv yilida ortib borayotgan talabni inobatga olgan holda o’quv jarayoni bilan parallel ravishda o’quv va yordamchi binolarni qurish, auditoriya va boshqa xonalarga bo’lgan ehtiyojlarni yanada to’liqroq qondirish masalalariga alohida e’tibor qaratildi.