Maqsad va strategik rejalar

BUXORO INNOVATSION TA`LIM VA TIBBIYOT UNIVERSITETIDA TAʼLIM DASTURLARINI RIVOJLANTIRISH VA MOLIYAVIY BARQARORLIGINI TAʼMINLASH BOʻYICHA ISHLAB CHIQILGAN STRATEGIK REJA

Buxoro innovatsion ta`lim va tibbiyot universiteti MCHJ ta`sischisi: PhD, dotsent F.F. Umurov

Buxoro innovatsion ta`lim va tibbiyot universiteti rektori: DSc, professor M.M. Amonova

Taʼlim – har qanday jamiyat taraqqiyotining asosi hisoblanadi. Mamlakatimizda amalga oshirilayotgan islohotlar negizida taʼlim sifati va samaradorligini oshirish, raqobatbardosh kadrlar tayyorlash, innovatsion yondashuvlarni tatbiq etish eng muhim ustuvor yo‘nalishlardan biri sifatida ta`kidlanadi.

Mazkur reja 2025–2030-yillar davomida taʼlim tashkilotini rivojlantirish bo‘yicha strategik yo‘nalishlar, maqsadlar va ustuvor vazifalarni belgilab beradi. Unda zamonaviy taʼlim talablariga javob beradigan, raqobatbardosh, ochiq va samarali taʼlim muhitini yaratish asosiy maqsad qilib olingan.

Strategik maqsad: Taʼlim tashkilotini zamonaviy axborot-kommunikatsiya texnologiyalari, ilg‘or pedagogik yondashuvlar va sifat menejmenti tamoyillari asosida rivojlantirish, ilm-fan bilan integratsiyalashgan, raqobatbardosh kadrlar tayyorlovchi ilg‘or taʼlim muassasasiga aylantirish.

Bugungi kunda sifatli sog‘liqni saqlash va taʼlim xizmatlariga bo‘lgan talab tobora ortib bormoqda. O‘zbekiston sharoitida zamonaviy, xalqaro standartlarga javob beradigan tibbiyot, taʼlim va bolalar parvarishi sohalarini rivojlantirish mamlakatning ijtimoiy-iqtisodiy taraqqiyotida muhim o‘rin tutadi. Shu sababli, yangi klinika, maktab, bog‘cha hamda stomatologik markaz ochish va ularni samarali boshqarish bo‘yicha strategik yondashuv ishlab chiqilgan.

• Mahalliy aholiga yuqori sifatli tibbiyot va taʼlim xizmatlarini taqdim etish, bolalarning sog‘lom va to‘laqonli rivojlanishini taʼminlash hamda stomatologiya sohasida ilg‘or texnologiyalarni joriy etish orqali ijtimoiy farovonlikni oshirish;
• Universitet talabalarini zamonaviy bilim va amaliy koʼnikmalariga ega, raqabatbardosh kadrlar qilib har tomonlama yuksak malakali mutaxassislarni tayyorlash, ilmiy-tadqiqot faoliyatini rivojlantirish hamda taʼlim, fan va amaliyot integratsiyasini taʼminlash;
• Universitetda taʼlim sifatini xalqaro standartlar darajasiga koʼtarish, ilmiy-tadqiqot va innovatsion faoliyatni kuchaytirish, klinik taʼlim samaradorligini oshirish hamda sogʼliqni saqlash tizimi uchun yuqori malakali, raqobardosh kadrlar tayyorlash;
• Tibbiyotni mintaqaviy va xalqaro miqyosida tan olinadigan taʼlim va ilmiy markazga aylantirish, zamonaviy tibbiy taʼlim, ilmiy tadqiqot va innovatsiyalarni jadal rivojlantirish orqali soxa uchun yetuk mutaxassislar tayyorlash;
• Talabalarning klinik va amaliy koʼnikmalarini kuchaytirishga qaratilgan taʼlim tizimini joriy etish, ilmiy-tadqiqot ishlari bilan amaliyotni uzviy bogʼlash xamda sogʼliqni saqlash tizimi extiyojlariga javob beradigan mutaxassislar tayyorlash maqsadimiz asosini tashkil qiladi.

Ushbu strategiya zamonaviy klinika, maktab, bog‘cha va stomatologik markazlarni barpo etish orqali mahalliy aholi uchun yuqori sifatli, innovatsion va xavfsiz xizmatlarni taqdim etishni maqsad qilgan. Mazkur yondashuv ijtimoiy farovonlikni oshirish va sog‘lom jamiyat qurish yo‘lida muhim qadam bo‘lib xizmat qiladi. Bunga qo’shimcha qilib taʼlim muassasalari va tibbiyot markazlarining xalqaro miqyosda tan olinishini taʼminlash, mamlakatimizga malakali xorijiy talabalar va bemorlarni jalb qilish orqali taʼlim va sog‘liqni saqlash sohalarining rivojlanishini rag‘batlantirish sohasida bir qator ishlar amalga oshirilayapti.

Strategik Ishlar Rejasi

Taʼlim sifatini taʼminlash tizimi va vositalari

Taʼlim sifati – bu o‘quv jarayonining samaradorligi, talabalarning bilim, ko‘nikma va kompetensiyalarini egallash darajasi hamda bitiruvchilarning mehnat bozorida raqobatbardosh bo‘lishini ta’minlaydigan asosiy ko‘rsatkichlardan biridir. Taʼlim sifatini taʼminlash esa uzluksiz nazorat, baholash va rivojlantirish tizimini talab etadi.

Ichki sifat nazorati o‘z ichiga quyidagilarni oladi:

• O‘quv dasturlarining muntazam tahlili va yangilanishi;
• O‘quv jarayonining nazorat qilinishi (testlar, reyting tizimi va boshqalar);
• Talabalar fikr-mulohazalari asosida takomillashtirish ishlari.

Taʼlim sifatini taʼminlash vositalari:

1. Axborot texnologiyalari: elektron jurnal, masofaviy taʼlim platformalari, test tizimlari va ichki dasturlar.
2. Baholash vositalari: oraliq va yakuniy testlar.
3. Mutaxassislar tayyorlash standartlari: malaka talablariga muvofiq ishlab chiqilgan o‘quv rejalari va dasturlari.
4. Aloqa tizimi: talabalar, ota-onalar, ish beruvchilar bilan doimiy ishlash.

Toʻlov-kontrakt miqdori va uning hisob-kitobi

Toʻlov-kontrakt – bu talabaning oliy taʼlim muassasasida tahsil olishi uchun belgilangan miqdordagi pul mablagʻlarini toʻlash orqali taʼlim olish shaklidir.

• Kontrakt miqdori: Universitetda kontrakt to’lovlari 14 900 000 (o'n turt million to'qqiz yuz) so’mdan 32 400 000 (o`ttiz ikki million turt yuz) so’mgacha belgilangan.
• Toʻlov shakllari: To‘lovlar bank orqali, onlayn to‘lov tizimlari orqali yoki mobil ilovalar yordamida, bosqichma-bosqich yoki toʻliq amalga oshiriladi.
• Imtiyozlar: Ijtimoiy himoyaga muhtoj, kam taʼminlangan oilalardan chiqqan talabalar uchun universitet tomonidan moddiy yordam ajratiladi. Yuqori natijalarga erishgan talabalarga ichki stipendiyalar berilishi mumkin.

2026–2030-yillarda xalqaro ta'lim brendini rivojlantirish:

2030-yilga qadar O‘zbekistondagi oliy ta’lim muassasalarida tahsil olayotgan xalqaro talabalar sonini kamida 10.000 nafarga yetkazish rejalashtirilgan.

• Ta’lim dasturlarining ko‘p tillilik asosida kengaytirilishi (ingliz tili, rus tili va boshqa tillar).
• Xalqaro talabalar uchun maxsus grant va stipendiyalar joriy qilish.
• Xorijiy talabalar uchun yashash joyi, konsullik va immigratsiya qo‘llab-quvvatlashi, madaniy va ijtimoiy moslashuvni taʼminlash.