Ko'p beriladigan savollar

Davolash ishi yo'nalishida o'qish davomiyligi qancha?

Davolash ishi yo'nalishida 6 yil o'qiladi.

Stomatologiya yo'nalishida o'qish davomiyligi qancha?

Stomatologiya ishi yo'nalishida 5 yil o'qiladi.

Buxoro innovatsion ta'lim va tibbiyot universiteti diplomi O'zbekiston Respublikasi hududida o'tadimi?

Buxoro innovatsion ta'lim va tibbiyot universitetining diplomi davlat oliy ta'lim muassasalari diplomi bilan bir xil kuchga ega.

Buxoro innovatsion ta'lim va tibbiyot universitetini bitirgandan keyin magistraturaga topshirsa bo'ladimi?

Ha albatta, ham davlat ham nodavlat oliy ta'lim muassasasining magistratura bosqichiga topshirsa bo'ladi.

Buxoro innovatsion ta'lim va tibbiyot universitetiga o'qishimni ko'chirsam bo'ladimi?

Ha albatta, faqat birinchi kursni tugatgan bo'lishingiz kerak.

Buxoro innovatsion ta'lim va tibbiyot universitetiga o'qishga kirib ta'lim krediti olish mumkinmi?

Ha, albatta. Bu haqida Respublikamizdagi barcha banklardan batafsil ma'lumot olishingiz mumkin.

Qabul qachon boshlanadi va oxirgi muddati qachon?

Hozirda qabul jarayoni boshlangan va u sentyabr oyigacha davom etadi.

Hujjatlarni onlayn topshirsa bo‘ladimi yoki shaxsan borish shartmi?

Hujjat topshirish qulay bo‘lishi uchun onlayn qabul tizimi yo‘lga qo‘yilgan. Shuningdek, shaxsan kelib topshirish ham mumkin.

Qanday hujjatlar talab qilinadi?

Asosan pasport (yoki ID-karta) va maktabni yoki texnikumni bitirganlik haqidagi diplom (shahodatnoma) talab qilinadi.

Kirish imtihonlari qaysi fanlardan bo‘ladi?

Grant o‘rinlari uchun mutaxassislik fanlaridan imtihon o‘tkaziladi.

Imtihonlar test shaklidami yoki suhbat asosidami?

Grant uchun imtihonlar maxsus platformada test shaklida bo‘lib o‘tadi.

Imtihon o‘tkazish sanalari qachon?

Grant uchun imtihon topshirish sanasini nomzodlar ixtiyoriy ravishda tanlashlari mumkin.

Ikkinchi mutaxassislikka qabul bormi?

Ha, albatta, ikkinchi mutaxassislik uchun qabul mavjud.

O‘qishni ko‘chirish (perevod) imkoniyati bormi?

Ha, o‘qishni ko‘chirish imkoniyati mavjud.

Universitetning litsenziyasi bormi?

Ha, universitet davlat tomonidan berilgan rasmiy litsenziyaga ega.

Diplom O‘zbekistonda tan olinadimi?

Ha, albatta, universitet diplomi O‘zbekistonning barcha hududlarida va barcha tashkilotlarida tan olinadi.

Diplom bilan davlat tashkilotlariga ishga kirsa bo‘ladimi?

Ha, albatta. Hozirda ko‘plab bitiruvchilarimiz davlat korxonalarida muvaffaqiyatli ishlab kelishmoqda.

Universitet xalqaro akkreditatsiyadan o‘tganmi?

Ha, universitet xalqaro akkreditatsiyadan o‘tgan.

Bir yillik kontrakt miqdori qancha?

Kontrakt miqdori tanlangan ta’lim yo‘nalishiga qarab farq qiladi.

To‘lovni bo‘lib to‘lash imkoniyati bormi?

Ha, to‘lovni 4 yoki 5 qismga bo‘lib to‘lash imkoniyati mavjud. Shuningdek, ta’lim krediti orqali ham to‘lov qilish mumkin.

Universitetda ichki grantlar bormi?

Ha, mavjud. Masalan, maktabni oltin medal bilan tugatgan bitiruvchilarga bir semestrlik (6 oylik) grant taqdim etiladi.

Grant yutib olish shartlari qanday?

Kirish imtihonlarida (testda) yuqori ball to‘plash zarur.

Ta’lim krediti olish uchun hujjatlar beriladimi?

Ha, albatta, bankka taqdim etish uchun barcha zarur hujjatlar beriladi.

Kontrakt miqdori keyingi yillarda oshishi mumkinmi?

Hozircha kontrakt miqdorini oshirish rejalashtirilmagan.

Bir oiladan ikki kishi o‘qisa chegirma bormi?

Ha, bir oiladan ikki yoki undan ortiq kishi tahsil olsa, maxsus chegirmalar mavjud.

Ta’lim shakllari qanday?

Asosan kunduzgi ta’lim shakli yo‘lga qo‘yilgan.

Darslar qaysi tillarda olib boriladi?

Darslar o‘zbek, rus va ingliz tillarida olib boriladi.

O‘qituvchilar tarkibi kimlardan iborat?

Darslarni yuqori malakali mutaxassislar va tajribali professor-o‘qituvchilar olib borishadi.

Darslar soat nechada boshlanadi va tugaydi?

Darslar asosan soat 09:00 dan boshlanadi.

Talabalar almashinuv dasturlari bormi?

Ha, xalqaro talabalar almashinuvi dasturlari mavjud.

Amaliyot (stajirovka) jarayonlari qayerda tashkil etiladi?

Talabalar uchun yo‘nalishiga mos keladigan korxona va tashkilotlarda amaliyot o‘tash dasturlari tashkil etiladi.

Fanlardan yiqilgan (perezdacha) talabalar uchun tartib qanday?

Fandan o‘ta olmagan talabalar uchun belgilangan tartibda qayta topshirish imkoniyati beriladi.

Universitetning yotoqxonasi bormi?

Ha, universitetning o‘z yotoqxonasi mavjud.

Yotoqxona sharoitlari qanday?

Yotoqxonada talabalar istiqomat qilishi uchun barcha zamonaviy sharoitlar yaratilgan.

Universitet binosi qayerda joylashgan? (Filiallari bormi?)

Asosiy bino Buxoro shahri, Namozgoh ko‘chasi, 112-uyda joylashgan. Shuningdek, universitetning filiallari ham mavjud.

Kutubxona va bepul Wi-Fi hududi bormi?

Ha, universitet hududida zamonaviy kutubxona va bepul Wi-Fi zonalari mavjud.

Kompyuter xonalari va laboratoriyalar zamonaviymi?

Albatta, barcha laboratoriya va kompyuter xonalari eng zamonaviy texnikalar bilan jihozlangan.

Oshxona yoki kafe xizmati mavjudmi?

Ha, talabalar va xodimlar uchun barcha qulayliklarga ega oshxona faoliyat yuritadi.

Sport bilan shug‘ullanish uchun zallar bormi?

Talabalarning sport bilan shug‘ullanishlari uchun barcha zarur sharoitlar va sport zallari mavjud.

Talabalar uchun qanday to‘garaklar bor?

Ingliz tili, rus tili, IT va sportning turli yo‘nalishlari bo‘yicha to‘garaklar faoliyat ko‘rsatmoqda.

Bitiruvchilarni ish bilan ta’minlashga yordam beriladimi?

Ha, universitet bitiruvchilarni munosib ish o‘rinlari bilan ta’minlashda faol yordam beradi.

Universitet hududida xavfsizlik qanday ta’minlangan?

Universitet hududi to‘liq videokuzatuv tizimi va maxsus qo‘riqlash xizmati tomonidan nazorat qilinadi.

Psixologik yordam yoki maslahat markazi bormi?

Barcha talabalar uchun malakali psixolog xizmatlarimiz mavjud.