Ilmiy kengash to'g'risida nizom

BUXORO INNOVATSION TA’LIM VA TIBBIYOT UNIVERSITETI

 ILMIY KENGASH NIZOMI

 

Mazkur Nizom O‘zbekiston Respublikasining «Ta’lim to‘g‘risida»gi (O‘zbekiston Respublikasi Oliy Majlisining Axborotnomasi, 1997 yil 9-son, 225-modda) va «Kadrlar tayyorlash milliy dasturi to‘g‘risida»gi (O‘zbekiston Respublikasi Oliy Majlisining Axborotnomasi, 1997-yil 11-12-son, 295-modda) qonunlariga, O‘zbekiston Respublikasi Vazirlar Maрkamasining 2012-yil 28-dekabrdagi «Oliy o‘quv yurtlaridan keyingi ta’lim hamda oliy malakali ilmiy va ilmiy-pedagog kadrlarni attestatsiyadan o‘tkazish tizimini takomillashtirish chora tadbirlari to‘g‘risida»gi qarori bilan tasdiqlangan  «Oliy o‘quv yurtidan keyingi ta’lim to‘g‘risida Nizom», «Oliy ta’lim to‘g‘risida»gi Nizomga hamda Oliy ta’lim muassasalarining Ilmiy kengashi to‘g‘risida namunaviy Nizom (O‘zbekiston Respublikasi Oliy ta`lim, fan va innovatsiyalar vazirligining 2011-yil 3-dekabr 487-son buyrug‘i ilovasi)ga va O‘zbekiston Respublikasi Vazirlar Mahkamasining 2024 yil 12 fevraldagi  № 222841 sonli (O‘zbekiston Respublikasi Vazirlar Mahkamasining 2022 yil 21 fevraldagi 80-sonli qarorida nazarda tutilgan talablar asosida Ta'lim sifatini nazorat qilish Davlat inspeksiyasi tomonidan  2022 yil 28 iyulda № 033430 sonli) LITSENZIYA ga muvofiq Buxoro innovatsion ta’lim va tibbiyot universitetining Ilmiy  kengashi faoliyatini tashkil etish tartibini belgilaydi.

 

I. Umumiy qoidalar:

- Buxoro innovatsion ta’lim va tibbiyot universiteti faoliyatiga tegishli asosiy masalalarni ko‘rib chiqish uchun  universiteti rektori raisligida Buxoro innovatsion ta’lim va tibbiyot universiteti ilmiy kengashi tashkil etiladi.

- Buxoro innovatsion ta’lim va tibbiyot universiteti Ilmiy kengashi tarkibi  universitet rektori, O'quv ishlari bo'yicha Prorektor, Yoshlar bilan ishlash va tashkiliy ishlar bo’yicha Prorektor, Ma’naviy va Psixologik ko’maklashish markazi bo’limi boshlig'i, Ichki nazorat va monitoring bo`limi boshlig'i, Kafedra mudirlari hamda universitet professor-o`qituvchilaridan iborat jamoa tashkil etiladi.

- Buxoro innovatsion ta’lim va tibbiyot universiteting boshqa a’zolari fakultetning umumiy majlisida yashirin ovoz berish yo‘li bilan saylanadilar. Professor-o‘qituvchilar tarkibidan kengashga saylanuvchi a’zolarning soni  rektorning buyrug‘i bilan belgilanadi. Kengash tarkibiga Buxoro innovatsion ta’lim va tibbiyot universiteting muayyan yo‘nalish muammolari bo‘yicha ishlovchi yirik olim va mutaxassislari ham kiritilishi mumkin. Vakolat muddati 5-yil.

- Buxoro innovatsion ta’lim va tibbiyot universiteti kengashi tarkibi rektorining buyrug‘i bilan tasdiqlanadi. Har o‘quv yilining boshida har xil sabablarga ko‘ra  ilmiy kengash tarkibidan chiqqanlar o‘rniga yangi a’zolar saylanadi yoki nizom bo‘yicha kiritiladi.

 

II. Buxoro innovatsion ta’lim va tibbiyot universiteting maqsad va vazifalari:

- Universitet kengashining maqsadi - universitet jamoasi sa`y-harakatlari, intellektual salohiyati va boshqa barcha imkoniyatlarni O‘zbekiston Respublikasining «Ta’lim to‘g‘risida»gi qonunda va «Kadrlar tayyorlash milliy dasturi»da belgilangan vazifalarning bajarilishini ta’minlash, oliy ta’limning davlat ta’lim standarti talablari darajasida mukammal bilim, malaka, ko‘nikmalarga ega bo‘lgan professional mutaxassislar tayyorlashga yo‘naltirishdan iborat.

 

III. Buxoro innovatsion ta’lim va tibbiyot universitet kengashi:

- Kadrlar tayyorlash milliy dasturiga muvofiq davlat ta’lim standartlari, o‘quv rejalari va dasturlarining qat’iy bajarilishini o‘rganib chiqadi hamda ustuvor masalalar bo‘yicha tavsiya va topshiriqlar belgilaydi;

- yo`nalishlarning o‘quv va ma’naviy-ma’rifiy ishlar to‘g‘risidagi, universitet qoshidagi ilmiy jamiyatlarning faoliyati to‘g‘risidagi, qabul komissiyasining qabul natijalari to‘g‘risidagi, shuningdek marketing xizmatining mehnat bozorining bitiruvchi mutaxassislarga bo‘lgan ehtiyoji, buyurtmachi tashkilotlar bilan hamkorlik aloqalari to‘g‘risidagi hisobotlarini eshitadi hamda tegishli qaror qabul qiladi;

- ilmiy-tadqiqot, ma’naviy-ma’rifiy ishlar rejalari ijrosi va professor-o‘qituvchilar tarkibining qayta tayyorlash va malaka oshirish masalalarini muhokama qiladi hamda tegishli qarorlarni qabul qiladi;

- Buxoro innovatsion ta’lim va tibbiyot universiteti rivojlanishining yillik va istiqboliy rejalarini tasdiqlaydi, moddiy-texnik ta’minot va moliyaviy-xo‘jalik faoliyati natijalarini muhokama qiladi hamda tegishli qarorlarni qabul qiladi;

- yo`nalishlarni ochish, tugatish, o‘zgartirish, shuningdek marketing xizmati takliflarini hisobga olgan holda yangi bakalavr yo‘nalishlari va magistratura mutaxassisliklari bo‘yicha kadrlar tayyorlashni yo‘lga qo‘yish yoki to‘xtatish bilan bog‘liq bo‘lgan masalalar bo‘yicha qaror qabul qiladi;

- «Oliy ta’lim muassasalariga pedagog xodimlarni tanlov asosida ishga qabul qilish tartibi to‘g‘risida»gi Nizomiga muvofiq professor-o‘qituvchilar lavozimlarini egallash uchun o`tkazilgan tanlovlar bo`yicha tanishtiruv o‘tkazadi;

- professor, dotsent ilmiy unvonini olishga intilayotgan izlanuvchilarning hujjatlarini ko‘rib chiqadi va belgilangan tartibda ilmiy unvonga tasdiqlashga taqdim etadi;

- Buxoro innovatsion ta’lim va tibbiyot universiteti bitiruvchilari va professor-o‘qituvchilarining ingliz tilini bilishlarini ta’minlash va kompyuter texnologiyalari, internetdan foydalana olishlari bo‘yicha tayanch ko‘nikmalarni shakllantirish masalalarini muhokama qiladi va chora tadbirlar belgilaydi;

- ta’lim jarayonining o‘quv adabiyotlari bilan ta’minlanganligi, yangi avlod darslik va o‘quv qo‘llanmalari, shuningdek innovatsion ta’lim texnologiyalarini qo‘llashga asoslangan o‘quv-uslubiy majmualarni tayyorlash va nashr etish masalalarini muhokama qiladi;

- katta ilmiy xodim-izlanuvchi universitetlariga nomzodlarni tavsiya etadi, ularning shaxsiy rejalari va dissertatsiya mavzularini tasdiqlaydi;

- iqtidorli talabalar safidan va professor-o‘qituvchilar tarkibidan nomzodlarni turli jamg‘armalari orqali xorijiy oliy ta’lim muassasalariga stajirovkaga tavsiya etadi;

- universitet iqtidorli talabalari safidan O‘zbekiston Respublikasi Prezidenti Davlat stipendiyasi va nomli davlat stipendiyalar tanlovida ishtirok etadigan nomzodlarni tavsiya etadi;

- Sport yo`nalishidagi jamg‘armasi bilan hamkorlikda talabalarning jismoniy tarbiyasi va ularning sog‘liqlarini yanada yaxshilash bo‘yicha tadbirlar ishlab chiqadi;

- asosiy buyurtmachi tashkilot, korxona va muassasalar bilan korporotiv hamkorlikni rivojlantirish, moddiy-texnik bazani mustahkamlash hamda talabalarning malakaviy amaliyot samaradorligini oshirish masalalarini muhokama qiladi va ularni yaxshilash bo‘yicha tavsiyalar ishlab chiqadi;

- xorijiy mamlakatlarning Buxoro innovatsion ta’lim va tibbiyot universiteti bilan aloqalarni o‘rnatish bo‘yicha qarorlar qabul qilinadi;

- ta’lim xizmatlari bilan shug‘ullanuvchi kichik korxonalar, firma va kurslar faoliyati haqida rahbarlarning hisobatlarini eshitadi hamda tegishli qaror qabul qiladi;

- Buxoro innovatsion ta’lim va tibbiyot universiteti talabalari va xodimlarining texnika xavfsizligi va mehnat muhofazasini takomillashtirish bo‘yicha tadbirlarni belgilaydi;

IV. Buxoro innovatsion ta’lim va tibbiyot universiteti kengashi  faoliyatini tashkil etish:

- Buxoro innovatsion ta’lim va tibbiyot universiteti Ilmiy kengashi o‘z faoliyatini har o‘quv yili uchun ishlab chiqiladigan rejaga muvofiq amalga oshiradi. Buxoro innovatsion ta’lim va tibbiyot universiteti Ilmiy kengashi rejasi kengash tomonidan ko‘rib chiqilgandan so‘ng  universitet rektori tomonidan tasdiqlanadi.

Ilmiy kengashga universitet rektori (ta`sischi)  raislik qiladi. Universitet rektori yo‘qligida Ilmiy kengashga uning o‘quv ishlarii bo‘yicha prorektor raislik qiladi.

Ilmiy kengash taqdimiga muvofiq universitet rektorining buyrug‘i bilan Ilmiy kengashga kotib tayinlanadi.

Ilmiy kengash kotibi  Ilmiy kengash faoliyatiga doir hujjatlarni yuritadi.

Ilmiy kengash o‘z faoliyatini yillik ish rejasiga muvofiq tashkil qiladi.

Ilmiy kengashning ish rejasi va qabul qilingan qarorlarning bajarilishi ustidan umumiy nazorat Ilmiy kengash raisi tomonidan amalga oshiriladi. 

- Buxoro innovatsion ta’lim va tibbiyot universiteting o‘quv, ilmiy-uslubiy, ilmiy-tadqiqot, ma’naviy-ma’rifiy va tashkiliy ishlarga doir barcha masalalar bo‘yicha kengash qarorlari ochiq ovoz berish tartibida ko‘pchilikning ovozi bilan qabul qilinadi. Kengash majlisi, uning tarkibidagi a’zolarning 2/3 qismi ishtirok etgandagina haqiqiy hisoblanadi.

- Professor-o‘qituvchilar tarkibi lavozimlarini egallashga o‘tkaziladigan tanlovlar va professor, dotsent ilmiy unvonlarini berishga taqdimnomalar yopiq ovoz berish yo‘li bilan belgilangan tartibda qabul qilinadi.

- Kengash qarorlari universitet rektorining buyrug‘i bilan tasdiqlaganidan so‘ng kuchga kiradi.

-  Kengashning majlisi bayonnoma bilan rasmiylashtiriladi. Bayonnomalar kengashning raisi va ilmiy kotibi tomonidan imzolanadi.

- Kengash raisi muntazam ravishda kengash qarorlari bajarilishi bo‘yicha tekshiruvlarni tashkil etadi va Kengash a’zolariga qabul qilingan qarorlarning bajarilishi haqida axborat beradi.

V-bob. Ilmiy kengash majlislarini o‘tkazish
va qaror qabul qilish tartibi

 5.1. Ilmiy kengash majlislari zaruratga qarab, har 2 oyda bir marotaba chaqiriladi. Ilmiy kengashning majlislari uning raisi tomonidan chaqiriladi.

5.2. Ilmiy kengash majlisi o‘tkaziladigan sana, joy va kun tartibiga oid masalalar to‘g‘risida Ilmiy kengash kotibi Ilmiy kengash a’zolarini majlisdan kamida ikki kun oldin xabardor qiladi.

5.3. Ilmiy kengash majlisi unda Ilmiy kengash a’zolarining kamida uchdan ikki qismi hozir bo‘lgan taqdirda vakolatli hisoblanadi.

5.4. Ilmiy kengash majlisi majlis kun tartibini muhokama qilish bilan boshlanadi. Kun tartibi Ilmiy kengash raisi tomonidan ovozga qo‘yiladi va tasdiqlanadi. Ilmiy kengash a’zolari muayyan masalani kun tartibiga kiritish haqida taklif kiritishga haqli.

5.5. Ilmiy kengash majlisida Ilmiy kengash kotibi tomonidan bayonnoma yuritiladi. Bayonnoma Ilmiy kengash raisi va Ilmiy kengash kotibi tomonidan imzolanadi.

5.6. Ilmiy kengash qarorlari ko‘pchilik ovoz bilan qabul qilinadi. Ovozlar teng bo‘lib qolgan hollarda raislik qiluvchining ovozi hal qiluvchi hisoblanadi.

5.7. Ilmiy kengash qarorlari universitet rektorining buyruqlari bilan amalga kiritiladi.

 

VI. Ilmiy kengash kotibining lavozim vazifalari:

- Har oyda o‘tkaziladigan universitet Ilmiy kengash majlisining ish rejasi bo‘yicha tegishli sohalar mas’ullariga qaror loyixalarini tayyorlash bo‘yicha xabar berish va uni nazorat qilib borish;

- Universitet ilmiy kengash a’zolarini ilmiy kengashda ishtirokini ta’minlash va ularga majlis kuni hamda vaqti haqida xabar berish;

- Ilmiy kengash qarorlari loyixasini mas’ullardan o‘z vaqtida olish va ularni rasmiylashtirish;

- Ilmiy kengash qarorlari loyixasi rasmiylashtirilib, tayyor bo‘lgach barcha kengash a’zolariga tarqatish;

- Ilmiy kengash qarorlari ijrosi ustidan muntazam monitoringni amalga oshirish;

- Ilmiy kengash qarorlari loyixasini mas’ullar tomonidan bajarilmagan taqdirda yozma yoki og‘zaki ravishda ilmiy kengash raisiga hisobot berish;

- Ilmiy kengash qarorlarini bayonnoma bilan rasmiylashtirish. Bayonnomalarni ilmiy kengashning raisi va ilmiy kotibi tomonidan imzolab tasdiqlanishini ta’minlash;

- Ilmiy kengash tasdig‘idan o‘tgan barcha universitet hujjatlarining bayonnomadan ko‘chirmasini tasdiqlab berish;

- Ilmiy kengash qaroriga muvofiq professor, dotsent ilmiy unvonini olishga intilayotgan izlanuvchilarning hujjatlarini ko‘rib chiqish va belgilangan tartibda ilmiy unvonga tasdiklash uchun taqdim etish hamda hujjatlarni OAKga jo‘natish;

- Ilmiy kengash muxokamasidan o‘tgan doktorlik va nomzodlik dissertatsiyasi mavzulariga bayonnomadan ko‘chirmani tasdiqlash;

- Kafedra mudiri, professor va dotsent lavozimlariga kafedralar bo‘yicha vakant lavozimlarga yopiq ovoz berish yo‘li bilan tanlov o‘tkazib, rasmiylashtirish;

- Professor-o‘qituvchilarning ilmiy ishlar ro‘yxatini tasdiqlab berish;

- Har o‘quv yili oxirida ilmiy kengash bayonnomalarining yig‘ma jildini arxivga topshirish;

- Kengash rejasi ilmiy kengash tomonidan ko‘rib chiqilgandan so‘ng direktor tomonidan tasdiqlatish;

- O‘zbekiston Respublikasi Prezidentining Farmoyishlari, Vazirlar Maxkamasi Qarorlari, Oliy ta`lim, fan va innovatsiyalar vazirligi Hay’ati Qarorlari hamda buyruqlari asosida ish rejasiga o‘zgartirishlar kiritish;

- Ilmiy kengash yig'ma jildlar nomenklaturasini doimiy tarzda yuritish va barcha hujjatlar monitoringini amalga oshirish.

 

Bilishi kerak:

- Universitetda ilmiy ishlarini olib borish bo‘yicha normativ hujjatlar, vazirlik buyruqlari bilan belgilangan lavozim vazifalarini, oliy ta’limga oid qonunligini, Oliy ta`lim, fan va innovatsiyalar vazirligining buyruq va yo‘riq xatlarini bilishi, professor-o‘qituvchilar tarkibining tanlov orqali lavozimlarini egallash tartibini bilishi, ilmiy daraja va ilmiy unvonlar berish tartibini bilishi.

 

Malaka talablari:

- Oliy ta’limga oid qarorlarini, oliy o‘quv yurtlari to‘g‘risidagi Nizomni, Oliy ta`lim, fan va innovatsiyalar vazirligining buyruq va yo‘riq xatlarini bilishi;

- OTMsiga, ilmiy kengashga, ilmiy unvon berishga taalluqli ko‘rsatmalarini hamda rahbariy va me’yoriy hujjatlarini bilishi;

- Oliy ma’lumotga ega bo‘lishi;

- Professor-o‘qituvchilar tarkibining tanlov orqali lavozimlarini egallash tartibini bilishi zarur;

 

Kotib-ish yurituvchi lavozim vazifalari:

- Yuqori organ va bo‘linmalardan keladigan buyruq, farmoyish va xatlarni qabul qilib olish, ro‘yxatdan o‘tkazish va qabul qilib o‘z boshlig‘iga yetkazish;

- Bo‘lim (dekanat) yoki kafedraga tegishli bo‘lgan hujjatlarni rasmiylashtirish hamda tegishli bo‘limlarga yetkazish;

- Bo‘lim (dekanat) yoki kafedraga tegishli bo‘lgan hujjatlarni chop etish, ko‘paytirish va ro‘yxatdan o‘tkazish;

- Bo‘limga (dekanatga) keluvchilarni ro‘yxatdan o‘tkazish va murojaatnomalarni qabul qilish;

- O‘zi ishlayotgan kafedra yoki bo‘limning (dekanatning) sanitariya-gigiena holati va tozalikni saqlash;

- Har o‘quv yili oxirida kafedra yoki bo‘limning (dekanatning) nomenklatura bo‘yicha tugatilgan hujjatlarnining yig‘ma jildini arxivga topshirish.

 

Bilishi kerak:

- Ish yuritishga oid nizomlar va yo‘riqnomalarni, universitet ichki tartib-qoidalarini, mehnatni muhofaza qilish, xavfsizlik texnikasi, ishlab chiqarish sanitariyasi hamda yonginga qarshi himoya qoidalari va me’yorlarini bilishi.

 

Malaka talablari:

- Kompyuterda ishlashni, yozishni, orfografiya qoidalari va tinish belgilarni, har xil hujjatlarni chop etish vaqtida materialni joylashtirish tartibini, namunaviy shakllardan foydalangan holda ishga oid xatlarni chop etish qoidalarini o‘zlashtirgan bo‘lishi;

- Fakultet Ilmiy kengash kotibining lavozim vazifalari (jamoatchilik asosida amalga oshiradi) ;

- Har oyda o‘tkaziladigan fakultet kengash majlisining ish rejasi bo‘yicha tegishli soxalar mas’ullariga qaror loyixalarini tayyorlash bo‘yicha xabar berish va uni nazorat qilib borish;

- Fakultet ilmiy kengash a’zolarini ilmiy kengashda ishtirokini ta’minlash va ularga majlis kuni hamda vaqti haqida xabar berish;

- Ilmiy kengash qarorlari loyixasini mas’ullardan o‘z vaqtida olish va ularni rasmiylashtirish;

- Ilmiy kengash qarorlari loyixasi rasmiylashtirilib, tayyor bo‘lgach barcha kengash a’zolariga tarqatish;

- Ilmiy kengash qarorlari ijrosi ustidan muntazam monitoringni amalga oshirish;

- Ilmiy kengash qarorlari loyixasini mas’ullar tomonidan bajarilmagan taqdirda yozma yoki og‘zaki ravishda fakultet kengash raisiga hisobot berish;

- Ilmiy kengash qarorlarini bayonnoma bilan rasmiylashtirish. Bayonnomalarni ilmiy kengashning raisi va ilmiy kotibi tomonidan imzolab tasdiqlanishini ta’minlash;

- Ilmiy kengash tasdig‘idan o‘tgan barcha fakultet hujjatlarining bayonnomadan ko‘chirmasini tasdiqlab berish;

- Kafedra katta o‘qituvchisi va assistent lavozimlariga kafedralar bo‘yicha vakant lavozimlarga yopiq ovoz berish yo‘li bilan tanlov o‘tkazib, rasmiylashtirish;

- Har o‘quv yili oxirida ilmiy kengash bayonnomalarining yig‘ma jildini arxivga topshirish;

- Ilmiy kengash rejasi ilmiy kengash tomonidan ko‘rib chiqilgandan so‘ng fakultet dekani tomonidan tasdiqlatish;

- O‘zbekiston Respublikasi Prezidentining Farmoyishlari, Vazirlar Mahkamasi Qarorlari, Oliy ta`lim, fan va innovatsiyalar vazirligi Xay’ati Qarorlari hamda buyruqlari asosida ish rejasiga o‘zgartirishlar kiritish;

- Ilmiy kengash yigma jildlar nomenklaturasini doimiy tarzda yuritish va barcha hujjatlar monitoringini amalga oshirish.

 

Bilishi kerak:

- Universitetda ilmiy ishlarini olib borish bo‘yicha normativ hujjatlar, vazirlik buyruklari bilan belgilangan lavozim vazifalarini, oliy ta’limga oid qonunligini, Oliy ta`lim, fan va innovatsiyalar vazirligining buyruq va yo‘l xaritalarini bilishi, professor-o‘qituvchilar tarkibining tanlov orqali lavozimlarini egallash tartibini bilishi, ilmiy daraja va ilmiy unvonlar berish tartibini bilishi.

 

Malaka talablari:

- Oliy ta’limga oid qarorlarini, oliy o‘quv yurtlari to‘g‘risidagi Nizomni, Oliy ta`lim, fan va innovatsiyalar vazirligining buyruq va yo‘riq xatlarini bilishi;

- Oliy ma’lumotga ega bo‘lishi;

- Professor-o‘qituvchilar tarkibining tanlov orqali lavozimlarini egallash tartibini bilishi zarur.