Ichki nazorat va monitoring bo`limi

Raximov Giyas Raxmonovich

(O‘rta maxsus kasb-hunar ta’limi a’lochisi)

Ichki nazorat va monitoring bo‘limi boshlig‘i

1961-yil 10-mayda Buxoro viloyati, Jondor tumanida tug‘ilgan. Ma’lumoti — oliy.

1983–1989-yillarda Samarqand davlat meditsina instituti talabasi bo‘lib, oliygohni "Pediatriya" mutaxassisligi bo‘yicha tamomlagan.

1989–1990-yillarda Buxoro viloyat bolalar ko‘p tarmoqli tibbiyot markazida internatura bosqichini o‘tagan.

1990–1992-yillarda Buxoro viloyati Jondor tuman tibbiyot birlashmasida vrach-pediatr lavozimida faoliyat yuritgan.

1992–2015-yillarda Buxoro viloyat tibbiyot kolleji direktor o‘rinbosari lavozimida samarali mehnat qilgan.

Sog‘liqni saqlash va ta’lim tizimidagi ko‘p yillik fidokorona xizmatlari munosib baholanib, "O‘rta maxsus kasb-hunar ta’limi a’lochisi" ko‘krak nishoni hamda "O‘zbekiston Respublikasi Mustaqilligiga 20 yil" ligi munosabati bilan  ko'krak nishoni bilan taqdirlangan.

2016–2018-yillarda Buxoro viloyat Qorako‘l tibbiyot kolleji direktori lavozimida faoliyat olib borgan.

2018–2019-yillarda Buxoro viloyat hokimligi sog‘liqni saqlash boshqarmasida yetakchi mutaxassis, 2019–2020-yillarda Viloyat ruhiy-asab kasalliklari dispanserida mas’ul lavozimda hamda 2020–2022-yillarda Viloyat hokimligi sog‘liqni saqlash boshqarmasi bosh mutaxassisi lavozimlarida faoliyat yuritgan.

2022-yildan e’tiboran universitetning Ichki nazorat va monitoring bo‘limi boshlig‘i lavozimida ishlab kelmoqda.