Tuzilma — Rahbariyat
O'quv ishlari prorektori
Umurov Farrux Faxriddinovich
O'quv ishlari bo'yicha prorektor
Shaxsiy ma’lumotlar
Umurov Farrux Faxriddinovich 1987-yil 31-anvarda Buxoro viloyatining G‘ijduvon tumanida tug‘ilgan. Millati — o‘zbek. Siyosiy qarashlari bo‘yicha Tadbirkorlar va ishbilarmonlar harakati – O‘zbekiston Liberal-demokratik partiyasi (O‘zLiDeP) a’zosi hisoblanadi.
Ma’lumoti va ilmiy faoliyati
Farrux Umurov 2004–2011-yillarda Buxoro davlat tibbiyot institutining “Davolash ishi” yo‘nalishi bo‘yicha kunduzgi ta’lim shaklida tahsil olib, oliygohni imtiyozli (qizil) diplom bilan tamomlagan.
2011–2013-yillarda mazkur institutda “Dermatovenerologiya” mutaxassisligi bo‘yicha klinik ordinatura bosqichini muvaffaqiyatli o‘tagan.
Hozirgi kunda amaliy tibbiyot bilan bir qatorda ilmiy-tadqiqot ishlarida ham faol ishtirok etib kelmoqda. U 2021-yil 17-avgustdan buyon Buxoro davlat tibbiyot institutida falsafa doktori (PhD) ilmiy darajasini olish uchun “Klinik, immunologik va mikrobiologik xususiyatlarni hisobga olgan holda teri leyshmaniozining davolash usulini optimallashtirish” mavzusidagi dissertatsiya ustida mustaqil tadqiqotchi sifatida ilmiy izlanishlarini davom ettirmoqda.
Davlat mukofotlari
Sog‘liqni saqlash tizimidagi fidokorona xizmatlari va ijtimoiy faolligi munosib baholanib, O‘zbekiston Respublikasi Prezidentining 2020-yil 26-maydagi Farmoni (PF-5999) asosida “Mehr-saxovat” ko‘krak nishoni bilan mukofotlangan.
Mehnat faoliyati
2011–2013 yillarda. — Buxoro davlat tibbiyot instituti klinik ordinatori (dermatovenerologiya yo‘nalishi).
2013–2014 yillarda. — Buxoro viloyati teri-tanosil kasalliklari dispanseri vrach-dermatovenerologi.
2014–2019 yillarda. — Buxoro viloyati teri-tanosil kasalliklari dispanseri Tashkiliy-uslubiy bo‘lim mudiri.
2017 yildan. – hozirgacha — “FADIL TRANS HAIR” xususiy klinikasining asoschisi va rahbari.
2019 yildan. – hozirgacha — Buxoro viloyati teri-tanosil kasalliklari dispanseri vrach-dermatovenerologi.
2020 yildan. – hozirgacha — Buxoro viloyati teri-tanosil kasalliklari dispanseri Kasaba uyushmasi qo‘mitasi raisi.