Universitet kutubxonasi

BUXORO INNOVATSION TA'LIM VA TIBBIYOT UNIVERSITETI KUTUBXONASI

Universitet kutubxonasida 50.000 dan ortiq turdagi badiiy hamda ilmiy adabiyotlar mavjud bo‘lib, talabalar undan foydalangan holda bilim va ko‘nikmalarini oshirib borishadi. Shuningdek, universitet o‘zining elektron kutubxonasiga ega bo‘lib, 20.000 dan ortiq elektron adabiyotlar mavjud.

Muassasamizda talabalarning chuqur bilim olishlari va bo‘sh vaqtlarini mazmunli o‘tkazishlari uchun barcha sharoitlar yaratilgan. Yangi va zamonaviy ko‘rinishdagi kutubxonamiz keng va yorug‘ mutolaa zaliga ega bo‘lib, u yerda boy kitob fondi hamda o‘quv adabiyotlari jamlangan.

Kutubxonada nafaqat mustaqil mutolaa qilish, balki talabalarning o‘zaro fikr almashishlari, jamoaviy loyihalar ustida ishlashlari va davra suhbatlari o‘tkazishlari uchun maxsus guruh bo‘lib ishlash hududlari tashkil etilgan. Shuningdek, talabalarning mantiqiy fikrlash qobiliyatini rivojlantirish maqsadida har bir mutolaa stoli shaxmat taxtalari bilan jihozlangan. Devorlarda joy olgan buyuk jadid ma’rifatparvarlarimizning siymolari va hikmatli so‘zlar esa bu yerda o‘zgacha ma’naviy muhitni shakllantirib turadi.